2020 çултан пуçласа пирĕн республикăра çĕнĕ уяв – Чăваш тĕрри -эрешĕн кунне уявлама йышăннă. Ăна кашни çул чÿк уйăхĕн 26-мĕшĕнче уявлама палăртнă. Шăпах çак кун паллă тĕрĕ ÿнерçи Екатерина Ефимова çуралнă. Е.Ефимова профессилле никĕс çинче халăх искусствине аталантарас тĕлĕшпе чылай тапхăр вăй хунă, Чăваш Енре алăпа тĕрлес йăла-йĕркене сыхласа хăварнă. Çĕнĕ уява халăхăн эткерлĕхне кĕрекен чăваш тĕррине сыхласа хăварас тĕллевпе йышăннă.

Пирĕн халăх тĕррине тĕнчипех пĕлеççĕ. Вăл Англири, Бельгири, Италири, АПШри тĕрлĕ выставкăсенче паллă вырăн йышăнать. Ĕлĕкхи тĕрĕсем пире халĕ те хăйсен илемĕпе савăнтараççĕ, тĕлĕнтереççĕ.

Пиллĕкмĕш класра вĕренекенсем класс сехетĕнче чăваш тĕррин асамлă тĕнчипе паллашрĕç. Чăваш тĕрри илемлĕ кăна мар, калама çук пуян пулнине пĕлчĕç. Класра йĕркеленĕ выставкăпа паллашма та кăсăклă пулчĕ вĕренекенсене.