2020 çулхи раштавăн 14-мĕшĕнчен пуçласа 2021 çулхи кăрлач 18-мĕшĕсенче Чăваш Республикин вĕренÿ институчĕ йĕркеленипе Петĕр Хусанкая халалласа вĕренекенсен пултарулăхĕн «Хусанкай вулавĕсем – 2021» регион фестивалĕ иртрĕ. Фестивале Чăваш, Тутар, Пушкăрт Республикисенчен тата Самар, Ульяновск облаçĕсенчен пĕтĕмпе 235 ача хутшăнчĕ. Вĕсем П. Хусанкайăн  сăввисене чăвашла, тутарла, вырăсла вуласа ÿкернĕ видеороликсем хатĕрлесе хăйсен пултарулăхне кăтартрĕç. Хĕрÿ тупăшура 82 вĕренекен çĕнтерÿçĕсемпе призёрсем пулса тăчĕç.

Çатракассинчи вăтам шкулта 10 класра вĕренекен Ангелина Спиридонова çак ăмăртăва  хутшăнса çĕнтерÿçĕсен шутне лекме пултарчĕ. Ангелина конкурса  П.Хусанкайăн „Мехел тени мĕскер тени пулать...“ сăввипе тухрĕ. Каласа хăварма кăмăллă, вăл  конкурссене  тăтăшах хутшăнать, малти вырăнсене йышăнать. Саламлатпăр ăна, малашне те çитĕнÿсем тума сунатпăр.