Чăваш Республикин вĕренÿ тата çамрăксен политикин министерстви тата  Чăваш Республикин вĕренÿ институчĕ 2020 çулхи юпа уйăхĕн  29-мĕшĕнче чăваш чĕлхипе, литературипе тата культурипе «Чĕлхе пĕлĕвĕ тата чăваш чĕлхи аталанăвĕн историйĕ» интернет олимпиада ирттерчĕç.

Интернет олимпиадăна Чăваш Республикин тата республика тулашĕн вĕренÿ организацийĕсенче 5-6 классенче вĕренекен 963 ача хутшăнчĕ, вĕсенчен – чăваш шкулĕн 5-6 класĕсенче вĕренекен 553 ача, вырăс шкулĕн 5-6-мĕш класĕсенче вĕренекен 410 ача. Республика тулашĕнче вĕренекен  ачасем кăçалхи олимпиадăна 47-ĕн хутшăнчĕç. Пĕтĕмĕшле илсен, интернет олимпиадăна çулсерен Шупашкар, Çĕнĕ Шупашкар хулисенчи, Патăрьел, Канаш, Сĕнтĕрвăрри, Йĕпреç, Вăрмар, Муркаш, Комсомольски, Хĕрлĕ Чутай, Тăвай, районĕсенчи шкул ачисем хастар хутшăннине палăртаççĕ жюри членĕсем.

Çатракассинчи вăтам шкулта вĕренекенсем те çак конкурса активлă хутшăннине эпир пĕлтернĕччĕ. Ефремова Кристина тата Петрова Екатерина, пиллĕкмĕш класра вĕренекенсем,  призерсен йышне лекме пултарнă. Эпир вĕсене çĕнтерÿпе саламлатпăр, малашне те çитĕнÿсем тума  сунатпăр.