Ачасене халăх культурипе, ăс-хакăлпа шухăш-кăмăл пуянлăхĕпе паллаштарас, шкул ачисене чăваш чĕлхипе, литературипе тата культурипе тĕпчев ĕçне явăçтарас тĕллевпе Чăваш Республикин вĕренÿ тата çамрăксен политикин министерстви тата Чăваш республикин вĕренÿ институчĕ  чăваш чĕлхипе, литературипе тата культурипе регионсен интернет олимпиадине юпа уйăхĕн 29 мĕшĕнче ирттерчĕç.

Олимпиадăна Чăваш Республикин тата республика тулашĕн вĕренÿ организацийĕсенче  5-6 классенче вĕренекен 948 ача хутшăнчĕ, вĕсенчен – 5-мĕш класра вĕренекен – 472 ача, 6-мĕш класра вĕренекен 476 ача.

Çатракассинчи вăтам шкулта 5-6 класра вĕренекенсем те хутшăнчĕç олимпиадăна. 5-мĕш класра вĕренекен Ульяна М. тата 6-мĕш класра ăс пухакан Катерина Ю. призерсем пулса тăчĕç. Çак çитĕнÿпе эпир вĕсене саламлатпăр.