Ака уйăхĕн пиллĕкмĕшĕнче  районта „Чĕрĕ сăмах” ятпа прозăлла хайлавсене илемлĕ вулакансен конкурсĕ иртрĕ. Ăна ачасемпе çамрăксен кĕнеке вулас туртăмне ÿстерес, тавракурăмне аталантарас, чăваш çыравçисен хайлавĕсемпе кăсăклантарас, пултаруллисене тупса палăртас тĕллевпе йĕркелеççĕ. Район шайĕнчи тупăшăва ултă шкулти вун виçĕ вĕренекен хутшăнчĕ. Вĕсем чăваш çыравçисен хайлавĕсенчи сыпăксене пăхмасăр каларĕç. Жюри такăнмасăр вуланине кăна мар, артист пултарулăхне, сăнара епле уçса панине хакларĕ.

Пирĕн шкултан ку  тупăшăва тăватă вĕренекен хутшăнчĕ: 7-мĕш класра вĕренекен Ильина Снгежанна, Скворцов Димитрий тата 8-мĕшĕнче ăс пухакан Настя Алекссевăпа Вероника Ерзукова. Настя виççĕмĕш вырăн йышăнчĕ,  Вероника пĕрремĕш тухма пултарчĕ. Халĕ унăн район чысне республика шайĕнче хÿтĕлемелле пулать.