Илемлӗ, илемлӗ, илемлӗ чӑваш пики
Илемлӗ чӑваш пики те, сӑпайлӑ пулсан кӑна
Паян пирӗн шкулта «Шкул пики» конкурс иртрӗ. Кунта тӗрлӗ классенчен 5 хӗр ача хутшӑнчӗҫ: Петрова Виолетта (7 класс), Ерзукова Вероника (8 класс), Федорова Кристина (8 класс), Соловьева Елена (9 класс) тата Иванова Галина (10 класс). Пикесем хӑйсене тӗрлӗ енчен кӑтартса пачӗҫ: «Паллашӑр, ку эпӗ», «Чӑваш апат-ҫимӗҫӗ», «Ал-ӗҫ ӑсти», «Пӗлетӗр-и эсир», «Манӑн пултарулӑх».
Малтанах пикесем хӑйсемпе паллаштарчӗҫ, хӑйсен пултарулӑхӗпе тата тавҫӑруллӑхӗпе савӑнтарчӗҫ. Унтан наци апатне хатӗрлеме пултарнине кӑтартрӗҫ. Ҫавӑн пекех вӗсем чӑваш чӗлхипе культурине аван пӗлнине те уҫса пачӗҫ. Чӑваш хӗрӗсем хӑйсен тыткаларӑшӗпе, ҫӑмӑл уттипе, чун-чӗре илемлӗхӗпе жюри членӗсене кӑна мар, куракансене те чӑн-чӑн уяв туса пама пултарчӗҫ.
Акă конкурс вĕçленсе пырать, жюри конкурса пĕтĕмлетет. Паллах, çăмăл мар жюри ĕçĕ. Пурте пултаруллӑ, тавҫӑруллӑ. Жюри членӗсем Иванова Галина «Чи ӗҫчен пике», Федорова Кристина «Чи хӳхӗм пике», Соловьева Елена «Чи пултаруллӑ пике», Петрова Виолетта «Чи савӑнӑҫлӑ пике» номинацисенче ҫӗнтернине палӑртрӗ . Хӗрӳ тупӑшура вара «Шкул пики – 2017» ята Ерзукова Вероника тивӗҫрӗ.