Юпа уйăхĕн вун саккăрмĕшĕнче районта „Ростки возрождения” конкурсăн пĕрремĕш этапĕ  иртрĕ.  Конкурсра икĕ номинаци пулчĕ: пĕрремĕшĕнче ушкăнсен чăвашлăхпа, йăла-йĕркепе, тĕрлĕ уявпа çыхăннă        хатĕрсем ăсталамалла пулнă, иккĕмĕшĕнче хăйсен пултарулăхне чăваш халăх йăли-йĕркипе çыхăннă уявсене выляса кăтартмалла пулнă. Çак кун вĕсем сĕрен мĕнле ирттернине, салтак ăсатнине, улах ларнине, сурхури уявĕнчи йăла-йĕркепе паллаштарчĕç.

Çатарассинчи вăтам шкулта вĕренекенсен „Мехел” ушкăнĕ хĕрсемпе каччăсем улах ларнине кăтартса пачĕç. Çамрăк артистсем юрлама-ташлама ăста пулнине, хăйсене тытма пултарнипе жюри членĕсене тыткăнларĕç. Малашне те вĕсене ăнăçу сăнатпăр.