Ака уйăхĕн  7-мӗшӗнче  Çатракассинчи вăтам шкулта  чӑваш наци культурин "Туслӑх хӗлхемӗ-2016" фестивалӗ иртрӗ.  Фестиваль пилĕк станципе иртрĕ. Чăваш чĕлхине лайăх пĕлнине те, тавçăруллă пулнине тĕрлĕ станцисем витĕр тухса кăтартрĕç шкул ачисем: "Чĕлхе - халăх мулĕ". "Ĕçне кура хисепĕ", "Чечеклен, аталан, тăван енĕм!" Тата тепĕр икĕ станцире   "Илемлĕх тĕнчи", "Пирĕн пултарулăх" вĕренекенсем чăваш литературинчи классиксемпе юбилярсен сăввисене илемлĕ вулама  пултарнине, юрра-ташша маçтăр пулнине  кӑтартрĕç.

Фестиваль йĕркипе килĕшÿллĕн ачасен ÿкерес ăсталăхне аталантарас тĕллевпе "Шевле" конкурс та çак фестиваль программинех кĕрет.  9 ĕç тăратрĕç, тематика пĕрре - чăваш литературинчи хайлавсем тăрăх тунă ÿкерчĕксем.

Пирĕн шкултан ку конкурса 7 класра вĕренекенсем: Настя Алексеева тата Вероника Ерзукова хутшăнчĕç. Хĕрÿ тупăшусем витĕр тухса Настя Алексеева виççĕмĕш вырăна тухма пултарчĕ. Эпир ăна саламлатпăр, малалла та çитĕнÿсем тума сунатпăр.